MiPOTY member Masi-a Chhakchhuak hla bu tlangzarh

February 20, 2026 (Zirtawpni) zan dar 7:30 khan, Mizo Poetry Society (MIPOTY) kum 10 tlin lawmna, Tin Anniversary lawmna khuhhawnna neih a ni a, hemi pual hian Poetry Evening hlawhtling tak hman a ni.

He hun hi Pi Miriem L. Hrangchal chenna in, Falkland Veng, Aizawlah hman a ni a, Prof. Rualkhuma Colney, Sr. Member, MIPOTY leh MAL Vice President ni bawk chuan Tin Anniversary logo leh e-book tlangzarh a tlangzarh nghal bawk.

He hun hi MIPOTY Executive Committee member pahnih Lalnunmawii leh Tatea Royte ten an kaihruai a; Dr. H. Laldinmawia, President chuan thu tawi sawiin, MIPOTY lo pian chhuah dan leh Mizo hla phuah thiam Pu Rokunga piancham puala lo ding a nih thu te, Mizote tana Pu Rokunga hlutna leh poetry pawimawhna te a sawi a, a thlengtu Pi Miriem L. Hrangchal pawhin poetry a tuipui thinzia te a sawi bawk a ni.

Poetry Evening-ah hian Aizawla college hrang hrang pathum Literature Club atangin poetry chhiar tur mi pahnih theuh sawm an ni a, chungte chu Pachhunga University College Literature Club, Govt. Hrangbana College Literature Club leh Mizoram Christian College Literature Club te an ni.

Poetry hi mi 11-in an chhiar a, chung mite chu:

1. Kimberly Ramdinmawii, 4th Semester (Statistic), PUC Literature Club
2. Duhpuii Pachuau, 4th Semester MA (Mizo), PUC Literature Club
3. Lalbiakdiki, 2nd Semester (English), HBC Literature Club
4. Jedidia Darthangura, 4th Semester (English), HBC Literature Club
5. Laltluangliana, 2nd Semester (English), MCC Literature Club
   
6. C. Malsawmzuali, 4th Semester (English), MCC Literature Club
7. Rosy Lalengmawii, MIPOTY
8. K. Lalvenhimi, MIPOTY
9. R. Lalnunthara, MIPOTY
10. Lalnunmawii, MIPOTY leh,
11. Pi Miriem L. Hrangchal, a thlengtu te an ni.

MIPOTY Tin Anniversary hi kum 2026 chhungin kawng hrang hranga a lawmna neih a ni dawn a. HBC Literature Club te nen hun hman ho tum a nih bakah, Aizawla sikul thlan chhuah pathumte pualin on the spot poetry writing competition huaihawt tum a ni bawk. Kum 10 tlin lawmna kharna hun hi kum tawp lam October thlaah neih tum niin, hemi ni hian MIPOTY Book Award puan a ni ang a, Poetry Reading Competition neih niin ruai theh tum a ni bawk.

MIPOTY chuan poetry evening hlawhtling tak kan neih theihna tura a hmunhma min tumsaktu leh ei leh in min tumsaktu Pi Miriem L. Hrangchal chungah lawmthu a sawi tak meuh meuh a ni.