Kum 2026 March 21, World Poetry Day hi Mizo Poetry Society (MIPOTY) chuan kum dang ang bawkin kawng hrang hrangin a hmang a, hemi puala thil tih hrang hrangte chu hengte hi a ni.
Govt. Hrangbana College Literature Club nen hun hman a ni: He ni puala hun hmanna pui ber hi, March 20, 2026 (Zirtawpni) chawhnu khan Conference Hall, Govt. Hrangbana College-ah hman a ni a, Govt. Hrangbana College Literature Club-te nen hun hlimawm tak hman a ni. He hun hi Laltlanmawia, EC, MIPOTY & Asst. Professor, Govt. Hrangbana College chuan a kaihruai a, Dr. H. Laldinmawia, President-in World Poetry Day thuchah a sawi. Govt. Hrangbana College Literature Club aṭangin member mi pasarihin poetry an chhiar a ni. Chung mite chu, Lalbiakdiki, Jedidia Darṭhangura, R. Vanlalpekhlua, Lydia Zodinpuii, Lucy Lalrinthari, Lalliansanga leh H. Lallawmpuii te an ni. He hunah hian MIPOTY aṭangin KC Lalthansanga, Secretary; H. Lalawmpuia, Asst. Secretary leh K. Lalnunzama, EC Member te an tel bawk.
ZONET-ah: World Poetry Day-a tihchhuah turin Zonet lamah poetry chungchang sawi hona hun hman a ni a, Dr. H Laldinmawia, President; F. Vanlalrochana, Vice President leh Lalremruati Ngente, Executive Committee Member-te'n hun an hmang a ni. An titi hona hi youtube lamah pawh en theih reng a ni. — Youtube
ALL INDIA RADIO-ah: World Poetry Day pualin All India Radio-ah Gladys Lalhruaitluangi, Finance Secretary, MIPOTY chuan hun a hmang a, 'Importance of Poetry in Mizo Literature' tih thupui hmangin inkawmna hun an hmang a ni. An inkawmna hi youtube lamah ngaihthlak theih a ni. — Youtube
VANGLAINI CHANCHINBU-AH: World Poetry Day pualin Dr. Lalrammuana Sailo, EC Member chuan "Natna leh Damna" ziakin, March 23, 2026 khan he article hi tihchhuah a ni. Chhiar duh tan — Natna leh Damna
THE AIZAWL POST-AH: Ni tin chanchinbu The Aizawl Post-ah hian Benry Lalfakzuala, EC Member chuan World Poetry Day puala article ziakin, "World Poetry Day" chu March 21, 2026 khan tihchhuah a ni. Chhiar duh tan — World Poetry Day
Post a Comment