August 21, 2026 (Zirtawpni) zan dar 7:30 khan MIPOTY Executive Meeting chu MAL Office-ah neih a ni a, thu pawimawh hrang hrang rel niin meeting hmasain committee peng pawimawh a dinte chu a ṭul anga siam rem nghal a ni.
He meeting-ah hian pawl Secretary leh Asst. Secretary chu hnathawhna avanga hmun danga an awm tak avangin an aiawh tur ruat a ni a, Secretary atan K. Lalnunzama leh Asst. Secretary atan Dr. Thang Sian Tluang te ruat an ni. Tin, MIPOTY Book Award thlangtu committee-ah pawh Chairman leh Secretary atan anni hi ruat nghal an ni bawk.
Tin Anniversary lawmna kharna neih hun atan November 6, 2026 (Zirtawpni) tinzawn a ni a, poetry chungchanga mi thawh hlawkte Award pek pawh rawt a ni a, a ṭul anga lo zir chiang turin a hnuaia committee peng hi siam nghal a ni.
Chairman: F. Vanlalrochana
Secretary: JH Lalrinzuala
Member-te:
(1) Dr. Lalrammuana Sailo
(2) Lalnunmawii
(3) H. Lalawmpuia
(4) Laltlanmawia
Meeting hmasa lamin Aizawl chhunga zirna in pathum thlan chhuaha poetry writing competition huaihawt tura a tih chu tlema siam danglamin, zirna in pahnih – Synod HSS leh St. Joseph HSS ni se tih a ni a, heng sikul pahniha hun hman tur chungchangah mawhphurtu inruat a ni bawk.
Post a Comment